「唔好唔開心，Everything happens for a reason。」

講「唔好唔開心」就算啦，可能真係唔識安慰人，但有冇試過喺最痛苦、無助時，聽過人講「Everything happens for a reason」？

係，事出必有因——病可能係抵抗力弱，撞車可能因為不小心駕駛，成績差可能冇溫書。咁不幸患癌、有意外、被性騷擾、虐待、剝奪、欺凌，喪親、喪偶呢？

問題在於佢講出口唔係想同你分析件事，或陪你搵方法解決問題，其實佢想講「Everything happens for a PURPOSE」。

每次不幸，佢都覺得係都係天意、神嘅旨意（part of god's plan），或任何higher power 嘅intention，或者要毀滅你後重生嘅好機會，不幸事件被形容為你被眷顧嘅磨鍊。

唔係個個都需要童年陰影、不公平對待、難堪遭遇先成長。

你已經好痛苦，仲要同你講個天想你死而復生？

其實唔知講咩唔緊要，講句「I feel sorry that happened to you」仲有同理心。