#取消口罩令，冇遮冇掩好冇安全感，寧願繼續戴口罩New

聽日取消 #口罩令，香港人終於唔洗戴口罩。等咗幾年，終於有得除口罩，原來令好多人緊張焦慮。

唔戴口罩明明係正常，反而覺得唔自在又尷尬──好耐都冇試過冇遮冇掩，要近距離同所有人對望，隨時被人影到個樣。

一開始擔心感染同傳播病毒，之後擔心社會壓力——怕自己外表唔夠好，怕其他人覺得自己好似唔注重衛生、怕成為異類、怕喺公眾場所露臉、怕唔戴口罩就係唔符合社會規範、怕被注視同批評、怕吸引力下降。

之前我分享過疫情唔只影響生活環境同工作，都影響我地嘅人格同心理狀態，其中最明顯係令社交技巧生疏。

其實外國啱啱開始取消口罩令時，其他國家嘅市民都有類似社交焦慮，特別係青少年——開學就戴口罩，從來冇見過其他同學個樣。青少年亦好在意 imaginary audience，經常想像其他人點諗自己。

戴口罩唔洗化妝，又唔會外露臉部瑕疵同缺點，除罩又可能被人批評，不如繼續戴？

如果戴口罩係為咗逃避面對外界，短期內的確可以減少不安感，但繼續長期戴口罩會導致更多焦慮。越焦慮越難克服逃避，越鼓唔起勇氣踏出第一步就越難行到終點。

如果唔係為 hygiene and/or protection purposes，只係想避免不安全感先戴口罩——可以試吓一開始同熟人見面先除口罩，慢慢喺學校、公司除口罩，再到公眾場所，一開始未習慣、未準備好咪袋定個口罩。

相信自己係Flexible，緊張係正常，但戴唔戴係由你自己選擇，緊張嘅話慢慢調節就好。