自愛，所以關注自我需求而犧牲伴侶？

成日聽人講「學愛人，首先學自愛」，但有啲人都唔識分「自愛」同「自私」。

郁啲發脾氣傷害人，係被情緒主導而發洩，唔係自愛；要求對方破壞原則去遷就你，係苟求伴侶迎合你需求，唔係自愛；稍為唔滿意關係就走咗去，係逃避對關係負責任，唔係自愛。

過度關注自己嘅需求、感受同成長，而忽略伴侶嘅感受同需要，唔係自愛。

自愛係關於你，唔係關於犧牲伴侶。你可以自愛而離開唔適合嘅關係，但唔應該打自愛旗號去忽略伴侶感受同強迫佢改變。

愛同被愛，愛人同自愛，本來就冇衝突。

自愛應該係一個平衡嘅過程，照顧好自己，照顧埋自己嘅關係，就包括顧及伴侶嘅感受同需要。

大家講自愛就諗到善待自己，照顧自己嘅身心健康同追求自己嘅夢想同目標，但係犧牲他人為代價，其實係自私。

對自己好，唔只放棄有毒關係，仲包括盡力維繫一段健康嘅關係，用心經營親密關係其實都係自愛嘅一種。